За проектот

Добредојдовте во OSS HABITAT

Проектот OSS HABITAT, кој се реализира од Хабитат Македонија и АБЦ „Креација“, има за цел да ја подобри енергетската ефикасност во домовите на граѓаните. Преку систем на интегрирани услуги, проектот ќе ја промовира енергетски ефикасната санација на домовите во станбени згради (станови и куќи), овозможувајќи им на граѓаните да заштедат на трошоците за домаќинството, а во исто време да придонесат за заштита на животната средина.

Поддржан од програмата LIFE на ЕУ и креиран и координиран од македонски конзорциум, проектот има за цел да создаде систем од седум клучни услуги кои ќе им помогнат на приближно 5000 граѓани да ја унапредат енергетската ефикасност на своите домови.

Интегрираниот систем на услуги ќе им обезбеди на граѓаните стручна и техничка помош, како и поволни кредити на едно место, за да ја подобрат енергетската ефикасност на своите домови, со што ќе придонесат кон остварување на глобалните цели за заштита на животната средина.

Проектот ќе изгради силни партнерства помеѓу граѓаните, производителите и добавувачите на градежни материјали и системи за обновливи извори на енергија, експертите (инженери и енергетски контролори), финансиските институции што обезбедуваат кредити, државните институции, општините и другите институции надлежни за локални политики, коморите, здруженијата на сопственици и управителите на станбени згради, како и сите други вклучени во координацијата и спроведувањето на мерките за енергетски ефикасна санација.

Цел на проектот

Целни групи

Главната група на корисници се сопствениците на станови во станбени згради и индивидуални куќи, со фокус на оние кои сакаат да спроведат енергетски ефикасни обновувања или да добијат повеќе информации за енергетска ефикасност и користење обновливи извори на енергија во нивните домови.

Целните засегнати страни, кои директно се вклучени во спроведувањето на проектот и обезбедувањето на интегрирани услуги за санација на домови, вклучуваат национални институции, финансиски институции, компании и технички професионалци, стручни комори, општини, управители и компании за управување со станбени згради и други релевантни организации од граѓанскиот сектор.

Партнери на проектот

Комплексните организациски процеси низ кои треба да помине секој граѓанин или станар, особено во колективните станбени згради, претставуваат само почеток на процесот на енергетски ефикасна санација. Дополнителен предизвик е расцепканиот (атомизиран) пазар на услуги за енергетска ефикасност и обновливи извори на енергија поврзани со санацијата на домот, што дополнително ја зголемува сложеноста на обновата на зградите. Покрај тоа, овие потенцијални корисници се соочуваат со недостиг од финансиски инструменти за поддршка на нивните проекти за реновација. Во Македонија не постои централизирано место каде што се собираат информации за процедурите, достапните финансиски инструменти и шеми и другите даватели на услуги.

Хабитат Македонија и Креација во текот на годините спроведоа низа различни активности во рамките на својата работа, а нивното искуство може значително да помогне во имплементацијата на овој проект. Хабитат Македонија има развиено многубројни акциски планови и програми за енергетска ефикасност, почнувајќи од организациско па сè до општинско ниво. Сепак, највредните искуства и услуги што ги внесува во овој проект се воспоставениот револвинг фонд за кредити за енергетска ефикасност и регистарот на сите колективни станбени згради во општините, претставен како веб-алатка – RABA. Креација работела на програми за обука и јакнење на капацитетите, има големо искуство во финансиско планирање, како и во развој и измена на пазарни политики.

Имајќи ги предвид утврдените потреби и искуствата на двата спроведувачки партнери, беше развиен проектот OSS HABITAT. Проектот нуди седум главни услуги за различни засегнати страни и корисници: техничка и социјална дијагноза, односно мапирање на корисници; енергетски преглед (аудит) и проектирање; координација на санациските работи; финансирање и субвенции; и, на крај, обезбедување квалитет на изведените работи.

Резултати